DÜNYA


Yaponiyada yeni İmperatorun taxta çıxması mərasimi üçün düyü yığılacaq

Tokio, 14 may, AZƏRTAC

Yaponiya İmperatoru sarayının İşlər idarəsi cari ilin payızında keçiriləcək yeni İmperator Naruhitonun taxta çıxması mərasimi üçün düyü yığılacaq iki prefekturanı müəyyənləşdirib.

AZƏRTAC İmperator sarayının İşlər idarəsinə istinadla xəbər verir ki, mayın 13-də İdarənin yüksəkvəzifəli nümayəndələri Daycyosay və ya Böyük minnətdarlıq mərasimində istifadə olunacaq düyünün yetişdiriləcəyi yerin seçilməsi mərasimində - Sayden-Tentey-no-qi ayinində iştirak ediblər.

İdarənin əsas mərasim ustası “Yanaqibako” adlanan qutunu məbədin qarşısına qoyub. “Kiboku” adlanan və gələcəkdən xəbər verən ayin zamanı o, od üzərində tısbağa qınını isidib. Qının üzərində əmələ gələn çatlar nəticəsində Yuki üçün şərq regionları arasında Toçiqi prefekturası, Suki üçün isə qərb regionları arasında Kioto prefekturası seçilib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.