® Bakı 2025-də İƏT Mədəniyyət Festivalı yaradıcı sənayelərin yeni dövrünü başlatdı
İƏT Mədəniyyət Festivalı haqqında
“İƏT Mədəniyyət Festivalı: Bakı Yaradıcı Həftə – 2025” (OIC 2025) İslam Əməkdaşlıq Təşkilatına üzv ölkələrin mədəniyyət, yaradıcı iqtisadiyyat və innovasiya sahələrinin bir araya gətirildiyi böyük beynəlxalq platformadır. Azərbaycan Respublikası Mədəniyyət Nazirliyinin dəstəyi ilə keçirilən festivalın əsas məqsədi mədəniyyətlərarası əməkdaşlığın genişləndirilməsi, regionda yaradıcı sənayelər ekosisteminin gücləndirilməsi və qlobal trendlərlə ayaqlaşan yeni təşəbbüslərin formalaşdırılmasıdır.
Proqrama sərgilər, panel müzakirələr, innovasiya təqdimatları, kreativ baza fəaliyyətləri və dünyanın müxtəlif ölkələrindən olan iştirakçıların qatıldığı xüsusi sessiyalar daxildir.
Yaradıcı Həftə: Mədəniyyət və innovasiyanın birləşdiyi platforma
“Bakı Yaradıcı Həftəsi” boyunca şəhər müxtəlif istiqamətlər üzrə tədbirlərə ev sahibliyi etdi. Yerli və beynəlxalq ekspertlərin çıxışları, yaradıcı sənayelərin inkişaf perspektivlərinə dair panel müzakirələri, startapların təqdimatları və CulTech (Mədəniyyət sahəsində texnologiya sahəsi)-in xüsusi sessiyaları festivalın əsas dinamik xəttini formalaşdırdı.
Həftə çərçivəsində keçirilən vörkşoplar, rəqəmsal və tətbiqi sənət sərgiləri, texnologiya nümayişləri və performanslar həm yaradıcılıq mühitini canlandırdı, həm də gənclər, yaradıcı icmalar, investorlar və dövlət nümayəndələri arasında əməkdaşlıq üçün yeni körpülər yaratdı.
Kreativ Həftə çərçivəsində “CulTech” “Demo Day” ilə yanaşı, mədəni innovasiyaların rolu, rəqəmsallaşma və regional kreativ ekosistemin inkişafı mövzularında panel müzakirələri də keçirildi.
“CulTech” Layihəsi
“CulTech” mədəniyyət və texnologiyanın kəsişməsində formalaşan və ölkənin kreativ gəncliyini qlobal səhnəyə çıxarmağı hədəfləyən strateji platformadır. Proqram startaplara və yaradıcı komandalara mentorluq, investisiya əlaqələri, PR dəstəyi, brend mövqeləndirməsi və biznes inkişafı üzrə çoxşaxəli imkanlar təqdim edir.
Layihənin məqsədi
“CulTech”in əsas hədəfi innovativ biznes modellərinin inkişafını sürətləndirmək, yerli ideyaların beynəlxalq standartlara uyğunlaşdırılmasını təmin etmək və Azərbaycanın kreativ ekosistemini regional səviyyədə gücləndirməkdir.
“Demo Day” – Yeni ideyaların təqdim olunduğu gün
Dekabrın 9-da “CulTech” İnkubasiya Proqramının 4-cü kohortunun “Demo Day”i Bakı Konqres Mərkəzində uğurla baş tutdu. İştirakçılar layihələrini investorlar, mentorlar, kreativ sənaye liderləri və beynəlxalq nümayəndələr qarşısında təqdim etdilər. Tədbir həm yeni əməkdaşlıqlar üçün açar rolunu oynadı, həm də regionun innovasiya potensialını nümayiş etdirdi.
Demo Day startapları
“Bir-Yer.az” — xəritə əsaslı axtarış və süni intellekt (AI) tövsiyə sistemi ilə istifadəçilərə büdcə, vaxt və tələbatına uyğun məkan seçimini bir kliklə təklif edən platforma.
“BrandedBy” — brendlər üçün lisenziyalı AI avatarları və səs texnologiyaları ilə saniyələr içində hüquqi cəhətdən təhlükəsiz kontent yaradan “Software as a Service” (SaaS) həlli. Text-to-video generator və API inteqrasiyası ilə influencer marketinqini avtomatlaşdırır.
“Casting.az” — aktyorlar, rejissorlar və prodüserlər üçün yaradılmış peşəkar talent bazası. İnkişaf etmiş filtrlər vasitəsilə uyğun simaların tapılmasını sürətləndirir.
“Luhive” — icmalar üçün “all-in-one” yanaşma. Tədbirlər, elanlar, üzvlər və kontent vahid paneldən idarə edilir; AI köməkçisi və analitika ilə qərarvermə optimallaşdırılır.
“Lilitopia” — 8 yaşadək uşaqlar üçün lokal və mədəni baxımdan uyğunlaşdırılmış öyrədici kontent ekosistemi. Mobil tətbiqlərdən “YouTube” seriyalarına, kitab və oyunlara qədər çoxsaylı IP-lər əsasında qurulan qlobal miqyaslana bilən edutainment modeli.
“Kendeget” — kənd sakinləri və kiçik sahibkarların məhsul və xidmətlərini daha geniş auditoriyaya çıxarmağa, səyahətsevərlərə isə autentik mədəni təcrübələr təqdim etməyə imkan yaradan platforma.
Gələcək Perspektivlər
“Demo Day” “CulTech” proqramı üçün yalnız başlanğıcdır. Startaplar üçün yeni investisiya imkanları, beynəlxalq partnyorluqlar və bazarlara çıxış yolları artıq formalaşmağa başlayıb.
SUP VC və Azərbaycan Respublikası Mədəniyyət Nazirliyi “CulTech” İnkubasiya Proqramının genişləndirilməsini, növbəti kohortların yaradılmasını və yaradıcı sahələr üzrə qlobal əməkdaşlıq mexanizmlərinin gücləndirilməsini hədəfləyir. Məqsəd — Azərbaycanı regionun aparıcı “CulTech” mərkəzinə çevirmək və gələcək nəsillərə dayanıqlı innovasiya mühiti təqdim etməkdir.
Telefon: +994 50 123 45 67
Veb: www.sup.vc
Bölmənin digər xəbərləri
