“BirBank” fevralın 12-də Bakıda keçirilən “Visa Cashless Forum Azerbaijan 2020” tədbirində iştirak edib. Tədbirdə dövlət qurumlarının, bankların, özəl şirkətlərin nümayəndələri, həmçinin “Visa” şirkətinin menecerləri çıxış ediblər.

Çıxış edənlər sırasında “Kapital Bank”ın Marketinq və Məhsullar İdarəsinin baş direktoru Samir Məmmədov da olub. O, çıxışında “BirBank” mobil tətbiqi barədə ətraflı məlumat verib.

Bir milyondan çox istifadəçisi olan “BirBank” ölkənin ən tanınmış tətbiqi olmaqla yanaşı, “iOs” və “Android” əməliyyat sistemində tövsiyə olunan tətbiqlərin ilk onluğunda yer alır. Özündə bir sıra innovativ funksiyaları birləşdirən “BirBank” NFC təmassız ödəniş funksiyasını, QR kod vasitəsilə nağdlaşma, digital kart kimi qabaqcıl rəqəmsal bank məhsullarını müştərilərə təqdim edir.

“Təbii ki, belə bir möhtəşəm tədbirin Bakıda keçirilməsi çox sevindirici haldır. Tədbir çərçivəsində müxtəlif qurumlardan olan mütəxəssislərlə fikir və təcrübə mübadiləsi, eləcə də yeni texnologiyalar haqqında müzakirələr aparıldı. Düşünürəm ki, bank sektorunun gələcəyi məhz müasir texnologiyalar üzərində qurulur. Biz də, öz növbəmizdə, rəqəmsal transformasiya və nağdsız ödənişlərin stimullaşdırılması sahəsində mühüm işlər görürük”, - deyə Samir Məmmədov bildirib.

Qeyd edək ki, “Visa” beynəlxalq ödəniş sistemi tərəfindən və Azərbaycan Mərkəzi Bankı, İqtisadi İslahatların Təhlili və Kommunikasiya Mərkəzi, Azərbaycan Banklar Assosiasiyasının dəstəyi ilə ölkəmizdə ilk dəfə təşkil olunan forum "Driving the Future" (“Gələcəyə hərəkət”) mövzusu ilə keçirilib.

İstifadəçilər 1 dəqiqə vaxt sərf edərək, onlayn qeydiyyatdan keçməklə xidmətdən yararlana bilərlər. Tətbiqin bir sıra üstünlükləri var: rahat qeydiyyat, tətbiqə yalnız “Kapital Bank”ın ödəniş kartlarını deyil, digər bankların kartlarını da əlavə etmək imkanı, əməliyyatlara və hesaba bağlı bonuslarını idarə edilməsi və sair. Ətraflı məlumat: “www.birbank.az” və ya 196 Məlumat mərkəzi.