® “Ziraat Bank Azərbaycan” Google PayTM xidmətini Mastercard istifadəçiləri üçün də əlçatan etdi
Xidmət keyfiyyətinə önəm verən “Ziraat Bank Azərbaycan” müştərilərinin rahatlığı üçün son texnoloji yenilikləri tətbiq etməyə davam edir. Belə ki, Bank Google PayTM xidmətini Mastercard istifadəçiləri üçün aktiv etdi. Qeyd edək ki, daha öncə bu xidmət “Ziraat Bank Azərbaycan” tərəfindən VİSA kart sahibləri üçün aktiv edilmişdir. Artıq Bankın müştəriləri “Ziraat Bank Azərbaycan”a məxsus istənilən kartı Google WalletTM-ə əlavə etməklə rəqəmsal ödəniş sistemini dəstəkləyən Android və WearOS əməliyyat sistemli cihazları ilə bu xidmətin üstünlüklərindən yararlana biləcəklər.
Qeyd edək ki, Google PayTM ticarət və xidmət obyektlərində, onlayn platformalarda sürətli və rahat ödəniş imkanı yaradan kartsız ödəniş üsuludur. Xidməti kartlarda aktivləşdirmək çox asandır. Bunun üçün ağıllı telefona Google WalletTM tətbiqinin yüklənməsi, tətbiqdəki addımların izlənməsi ilə banka məxsus ödəniş kartlarının əlavə edilməsi və əsas ödəmə mənbəyi kimi seçilməsi kifayətdir. Kart tətbiqə əlavə edildiyi andan etibarən ödəniş ağıllı telefon və ya ağıllı saat ilə asanlıqla icra edilə bilər.
“Ziraat Bank Azərbaycan”a məxsus ödəniş kartı olmayan şəxslər aşağıdakı link vasitəsilə kart sifarişlərini onlayn olaraq icra edə bilərlər. Link: https://ziraatbank.az/az/onlayn-bank-kart-sifarisi. Qeyd edək ki, kart sifarişini, həmçinin bankın istənilən filialına tək şəxsiyyət vəsiqəsi ilə yaxınlaşaraq da icra etmək mümkündür. “Ziraat Bank Azərbaycan” tərəfindən ödəniş kartları AZN, TRY, USD və EUR valyutalarında təqdim edilir.
“Ziraat Bank Azərbaycan” ASC Türkiyə Respublikasına məxsus, 159 illik tarixə malik olan “Ziraat Maliyyə Qrupu”nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 7 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.
Bankın təqdim etdiyi məhsul və xidmətlər haqqında daha ətraflı məlumatı, Bankın feysbuk, instaqram, tviter, linkedin, yutub sosial media hesablarından və ya *9229 qısa nömrəsinə zəng edərək əldə edə bilərsiniz.
Bölmənin digər xəbərləri
