"Liverpul"dan səfər qələbəsi, London derbisində qalib müəyyənləşməyib
Bakı, 30 noyabr, AZƏRTAC
Futbol üzrə İngiltərə Premyer Liqasında XIII tura yekun vurulub.
AZƏRTAC xəbər verir ki, turun mərkəzi oyununda "Çelsi" öz meydanın "Arsenal"ı qəbul edib. London derbisi 1:1 hesablı heç-heçə ilə yekunlaşıb.
Meydan sahiblərinin heyətində Trevo Çaloba, qonaqlardan isə Mikel Merino fərqlənib.
Turun digər görüşlərində "Mançester Yunayted" "Kristal Pelas"a (2:1), "Fulhem" "Tottenhem"ə (2:1), "Liverpul" "Vest Hem"ə (2:0), "Aston Villa" "Vulverhempton"a (1:0), "Brayton" isə "Nottingem Forest"ə (2:0) qalib gəlib.
Qeyd edək ki, hazırda turnir cədvəlinə 30 xalla "Arsenal" başçılıq edir. "Mançester Siti" 25 xalla 2-ci, "Çelsi" 24 xalla 3-cüdür.
Bölmənin digər xəbərləri
