"Omoniya"nın baş məşqçisi: Hələ heç nə bitməyib
Bakı, 7 avqust, AZƏRTAC
Qələbə münasibətilə futbolçularımı təbrik edirəm. Yaxşı nəticə oldu.
AZƏRTAC xəbər verir ki, bu sözləri Kiprin "Omoniya" komandasının baş məşqçisi Henninq Berq UEFA Konfrans Liqasının III təsnifat mərhələsində "Araz-Naxçıvan"a 4:0
hesabı ilə qalib gəldikləri ilk görüşdən sonra təşkil olunan mətbuat konfransında deyib.
O, komandasının tapşırıqları düzgün yerinə yetirdiyini bildirib: "Oyunçularımdan razı qaldım. Amma biz hər şeyi doğma meydanda həll etmək istəyirik. Heç nə bitməyib".
Baş məşqçi vaxtilə "Qarabağ"a qarşı keçirdikləri oyunu xatırlayıb: "Bizi evdə məğlub etmişdilər. İndi "Araz-Naxçıvan"da oynayan Patrik Andrade həmin heyətdə var idi. "Qarabağ" yaxşı təcrübəyə sahibdir. Amma unutmaq olmaz ki, Naxçıvan klubu bundan əvvəlki mərhələdə "Aris"ə qarşı iki yaxşı oyun keçirmişdi".
Qeyd edək ki, komandalar arasında cavab oyunu avqustun 14-də Kiprdə təşkil olunacaq.
Bölmənin digər xəbərləri
