ABA sədri: Ötən il bank sektorunun aktivləri 4,5 faiz artıb
Bakı, 9 yanvar, AZƏRTAC
Ötən ilin sonuna bank sektorunun aktivləri 49,2 milyard manat təşkil edib ki, bu da ötən dövrlə müqayisədə 4,5 faiz çoxdur.
AZƏRTAC xəbər verir ki, bu barədə Azərbaycan Banklar Assosiasiyasının sədri Zakir Nuriyev “Azərbaycan Maliyyə Forumu: Nailiyyətlər və Çağırışlar” forumunda deyib.
O bildirib ki, ötən il Azərbaycan iqtisadiyyatına kredit qoyuluşlarının həcmi 23,2 milyard manata çatıb.
“Bu dövrdə kreditlərin dollarlaşma əmsalı azalaraq 18,8 faiz təşkil edib. Vaxtı keçmiş kreditlərin portfeldə payı 31 faiz azalıb. Problemli kreditlərin portfeldə payı isə 1,9 faizədək geriləyib. Banklardakı depozitlərin həcmi 2,3 faiz artaraq 34,6 milyard manat olub. Fiziki şəxslərin əmanətlərinin həcmi isə 12,5 milyard manata bərabərdir. Bankların kapital mövqeyi güclənib. Banklar tərəfindən 1,1 milyard manat mənfəət əldə edilib”, - deyə Zakir Nuriyev əlavə edib.
Bölmənin digər xəbərləri
