ABŞ-da azərbaycanlıların soyqırımının ildönümü qeyd ediləcəkdir
Bakı, 24 mart (AZƏRTAC). Azərbaycan-Amerika Şurasından AZƏRTAC-a bildirmişlər ki, ABŞ-da yaşayan soydaşlarımız martın 31-də azərbaycanlıların soyqırımının 94-cü ildönümünü qeyd edəcəklər.
Şuranın məlumatında deyilir ki, 1918-ci il martın 30-dan aprelin 2-dək “Daşnaksutyun” Erməni İnqilabı Federasiyasının silahlı birləşmələri bolşeviklərin dəstəyi ilə Bakıda və onun ətraflarında 12 minədək dinc azərbaycanlını qətlə yetirmişlər.
Ümummilli lider Heydər Əliyevin təşəbbüsü ilə 1998-ci ildən martın 31-i Azərbaycanda rəsmən Azərbaycanlıların Soyqırımı Günü kimi qeyd edilir.
Bölmənin digər xəbərləri
