ABŞ-ın ASLAN GLOBAL təşkilatının rəhbəri ATİ-də olmuşdur
Bakı, 18 yanvar (AZƏRTAC). ABŞ-da fəaliyyət göstərən ASLAN GLOBAL təşkilatının rəhbəri xanım Kaia Miller Azərbaycan Turizm İnstitutunda (ATİ) olmuşdur.
AZƏRTAC xəbər verir ki, görüşdə ATİ-nin prorektoru Eldar Aslanov institutun fəaliyyəti, beynəlxalq əlaqələri və ölkənin turizm sənayesinin inkişafına təkan verəcək ixtisaslı kadr hazırlığı istiqamətində əldə etdiyi uğurlardan danışmışdır,
E.Aslanov qeyd etmişdir ki, Azərbaycan Respublikası ilə Dünya Bankı arasında 2007-ci ildə kredit sazişi əsasında imzalanmış “Böyük Bakının Regional İnkişaf Planı”nın işlənib hazırlanmasında ABŞ-ın ASLAN GLOBAL təşkilatının məsləhətçi kimi funksiyası faydalı olmuşdur. Turizm bütün ölkələrdə olduğu kimi, Azərbaycan şəhərlərinin inkişafında da mühüm rola malikdir. Xüsusilə Bakı turizmin inkişafı baxımından daha önəmli sayılır.
Görüşdən məmnunluğunu bildirən Kaia Miller Azərbaycanın turizm potensialı, mövcud turizm infrastrukturları, turizmin inkişafında dövlətin rolu, mövcud dövlət proqramları ilə tanışlıq, eləcə də müvafiq sahələrlə bağlı məlumat toplamaq missiyasının icrasında maraqlı olduğunu vurğulamışdır.
Bölmənin digər xəbərləri
