ABŞ İsraildən “Hizbullah”la atəşkəsə razılıq verməsini istəyib
Bakı, 20 iyun, AZƏRTAC
ABŞ Prezidenti Donald Tramp İsraildən “Hizbullah”la atəşkəsə razılıq verməsini istəyib.
AZƏRTAC xəbər verir ki, Tramp bu barədə “NBC News”a müsahibəsində bildirib. Onun sözlərinə görə, bu çağırış İsrailin Livana hücumlarının ABŞ–İran arasında planlaşdırılan sülh danışıqlarına mənfi təsir göstərə biləcəyi fonunda edilib.
ABŞ Prezidenti İsrailin Baş naziri Binyamin Netanyahu ilə bu məsələni müzakirə edib-etmədiyini dəqiqləşdirməyib.
Bəzi media orqanları daha əvvəl İsrail və “Hizbullah” arasında yeni atəşkəs razılaşmasının əldə olunduğunu bildirsə də, qısa müddət sonra Livanın cənubunda hücumların davam etdiyi barədə məlumatlar yayılıb.
Bölmənin digər xəbərləri
