ABŞ Prezidentinin xüsusi elçisinin təyyarəsi Moskvaya eniş edib
Moskva, 2 dekabr, AZƏRTAC
ABŞ Prezidentinin xüsusi elçisi Stiv Uitkoffun təyyarəsi Moskvaya eniş edib.
AZƏRTAC xəbər verir ki, bu bardə TASS-ın aviasiya dairələrindəki mənbəsi bildirib.
Rusiya Prezidentinin mətbuat katibi Dmitri Peskov isə jurnalistlərə bildirib ki, Vladimir Putin ilə Uitkoff arasında görüş lazım olduğu qədər davam edəcək. O, Amerika tərəfindən danışıqlarda yalnız Stiv Uitkoff və Cared Kuşnerin iştirak edəcəyini dəqiqləşdirib.
Peskovun sözlərinə görə, Kremldəki Amerika nümayəndə heyətində Uitkoff, Kuşner və tərcüməçidən başqa heç kəs olmayacaq.
D.Peskov Putinin Uitkoffu Moskva vaxtı ilə saat 17:00-dan sonra qəbul edəcəyini açıqlayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
