ABŞ qoşunlarının Almaniyadan çıxarılması qərarı NATO-da narahatlıq yaradıb
Brüssel, 4 may, AZƏRTAC
Polşanın Baş naziri Donald Tusk Amerika Birləşmiş Ştatlarının (ABŞ) Almaniyadan minlərlə hərbçisini çıxarmaq qərarından sonra NATO-nun “dağılmaqda olduğunu” bəyan edib. O, bu addımın transatlantik alyans üçün ciddi risklər yaratdığını vurğulayıb.
AZƏRTAC xəbər verir ki, ABŞ-nin Prezidenti Donald Trampın administrasiyası Almaniyadan təxminən 5 min hərbçinin çıxarılacağını açıqlayıb. Prosesin 6–12 ay ərzində həyata keçirilməsi planlaşdırılır və bu, Vaşinqtonla Berlin arasında İran müharibəsi ilə bağlı fikir ayrılıqları fonunda qəbul edilib.
Donald Tusk bildirib ki, alyans üçün əsas təhlükə xarici qüvvələr deyil, onun daxilində yaranan parçalanmadır. O, üzv dövlətləri bu “mənfi tendensiyanı” dayandırmaq üçün addımlar atmağa çağırıb.
Ekspertlər və siyasətçilər isə ABŞ-nin bu addımının Avropada təhlükəsizlik balansına və Rusiyaya qarşı çəkindiriciliyə təsir göstərə biləcəyindən narahatdırlar. NATO isə qərarın detalları ilə bağlı Vaşinqtondan əlavə izahat gözlədiyini bildirib.
Bölmənin digər xəbərləri
