ABŞ SENATININ XARİCİ ƏLAQƏLƏR KOMİTƏSİ ERMƏNİ LOBBİSİNİ MƏYUS ETDİ
Senatın bu addımı erməni lobbisinin məğlubiyyəti kimi dəyərləndirilir.
Səsvermə zamanı senatorların böyük əksəriyyəti bu qərarı dəstəkləmişdir. Komitənin sədri, respublikaçı senator Riçard Luqar, Demokratlar Partiyasının üzvü Co Bayden də daxil olmaqla, komitənin hər iki partiyadan 13 üzvü qərarın lehinə, 5 senator isə əleyhinə səs vermişdir. Respublikaçı senator Corc Voynoviç isə ABŞ-ın Türkiyə ilə münasibətlərinin böyük əhəmiyyət daşıdığını bildirmişdir.
Xatırladaq ki, ABŞ-ın İrəvandakı keçmiş səfiri Con Evans “erməni soyqrımı” ifadəsi işlətdiyi üçün bu ilin mayında Prezident Corc Buş tərəfindən vəzifəsindən azad edilmişdi. Səfir vəzifəsinə yeni namizəd olan Riçard Houqland isə Senat komitəsinin iyun ayında keçirilmiş iclasında ermənipərəst senatorların səylərinə baxmayaraq, qondama “soyqırımı” sözünü işlətməkdən imtina etmiş, elə bu səbəbdən də erməni lobbisinin qəzəbinə düçar olmuşdu.
Komitədə səsvermədən sonra yeni səfirin təyinatı Senatda təsdiq olunmalıdır.
Bölmənin digər xəbərləri
