ABŞ vətəndaşlarını Seutaya səfər etməməyə çağırıb
Bakı, 2 avqust, AZƏRTAC
Amerika Birləşmiş Ştatlarının (ABŞ) Dövlət Departamenti vətəndaşlara miqrant böhranı səbəbindən Afrikanın şimal sahilində yerləşən İspaniyanın Seuta ərazisinə səfər planlarının ləğv olunmasını tövsiyə edib.
AZƏRTAC xəbər verir ki, Dövlət Departamenti bununla bağlı bildiriş yayıb.
“Mərakeşdən Seutaya çoxlu miqrantın gəlməsi gözlənilməz və təhlükəli vəziyyətlərə səbəb ola bilər. İğtişaşlarla bağlı risklərə görə səyahət planlarını yenidən nəzərdən keçirin", - deyə bildirişdə vurğulanıb.
Həmçinin diqqətə çatdırılıb ki, İspaniya hadisə ilə əlaqədar əraziyə hərbi qüvvə yerləşdirib.
Bölmənin digər xəbərləri
