ADNSU beynəlxalq elmmetrik bazalarda daha yuxarı pilləyə yüksəlib
Bakı, 12 dekabr, AZƏRTAC
Azərbaycan Dövlət Neft və Sənaye Universitetinin (ADNSU) beynəlxalq məlumat bazalarında elmi göstəriciləri yüksələn xətt üzrə dəyişir.
Bu barədə AZƏRTAC-a ADNSU-dan məlumat verilib. Bildirilib ki, ADNSU 2023-cü ildə alimlərinə və onların elmi məqalələrinə istinadlara görə “Scopus” və “Web of Science” verilənlər bazasında Azərbaycanda ali təhsil müəssisələri arasında 3-cü, AMEA-nın institutları ilə birlikdə 5-ci, “Google Scholar” beynəlxalq elmmetrik platformasında isə hər iki istiqamətdə 2-ci pilləyə yüksəlib.
Müqayisə üçün qeyd edək ki, 2022-ci ildə ADNSU “Scopus”da 5, “Web of Science”də 6 və “Scholar”da 7-ci pillədə yer almışdı. ADNSU alimlərinə və onların elmi məqalələrinə istinadların elmmetrik bazalarda son bir ildə yüksəlişi H-index göstəricilərinə görə də nəzərdən keçirilsə, “Scopus”da bu göstərici 37-dən 40-a, “Web of Science”də 34-dən 37-ə və “Google Scholar”da isə 42-dən 67-yə yüksəlib.
Son bir ildə ADNSU əməkdaşlarının “Scopus” və “Web of Science”də 350 elmi məqaləsi yerləşdirilib.
Bölmənin digər xəbərləri
