AFFA FUTBOLÇULARI MÜKAFATLANDIRMIŞDIR
AZƏRTAC xəbər verir ki, AFFA-nın vitse-prezidenti Elşad Nəsirov Azərbaycan futbol yığma komandasının məşqçi və oyunçuları ilə görüşmüşdür. O, fevralın 28-də T.Bəhramov adına Respublika stadionunda dünya çempionatının final mərhələsinə vəsiqə qazanmış Ukrayna yığması ilə keçirdiyi yoldaşlıq oyununu heç-heçə (0:0) başa vurduğuna görə milli komandamızın baş məşqçisi Şahin Diniyevi, onun köməkçilərini və futbolçuları 1000 ABŞ dolları məbləğində mükafatlandırmışdır.
Həmin gün “Şəfa” stadionunda Belarusun 21 yaşlılardan ibarət yığma komandası ilə qarşılaşan Azərbaycan futbolçuları görüşü eyni hesabla sona çatdırdıqlarına görə oyunçuların hər birinə 500 ABŞ dolları məbləğində mükafat təqdim olunmuşdur. Əgər hər iki yığmamız oyunları qələbə ilə başa vursaydılar 2 dəfə artıq mükafata sahib olacaqdılar.
Bölmənin digər xəbərləri
