AFP agentliyi: İraqdakı silahlı qruplaşma ehtimal olunan ABŞ-İran müharibəsinə hazırlaşır
Bakı, 27 fevral, AZƏRTAC
İran tərəfindən dəstəklənən İraqdakı silahlı qruplaşmanın döyüşçülərinə ABŞ-nin hücumlara başlaması halında qonşu ölkədə uzunmüddətli müharibə ssenarisinə hazırlaşmaq tapşırılıb.
AZƏRTAC AFP agentliyinə istinadla xəbər verir ki, “Kataeb Hizbullah” qruplaşmasının komandiri Tehranın tərəfində olduğunu bəyan edib. O bildirib ki, Amerikanın təhdidləri fonunda bölgədə təhlükəli eskalasiyanın artması İraqdakı şiə qruplaşması üçün də təhlükə yaradır.
ABŞ tərəfindən sanksiyaya məruz qalan İraq silahlı qruplaşması ötən il İsrail və İran arasında baş verən 12 günlük müharibə zamanı döyüşlərə müdaxilə etməyib. Amma onun üzvləri yeni müharibənin başlayacağı təqdirdə hərəkətə keçəcəklərini bəyan ediblər.
“Hizbullah” rəsmisi AFP-yə bildirib ki, Livan hərəkatı ABŞ-nin İrana məhdud zərbələr endirəcəyi təqdirdə hərbi müdaxilə etməyəcək, lakin Əli Xameneiyə qarşı hər hansı bir hücumu “qırmızı xətt” hesab edəcək.
Bununla belə, ABŞ-İran danışıqlarında iştirak edən nümayəndələr cümə axşamı günü müzakirələrin üçüncü mərhələsini keçiriblər. İran xarici işlər naziri Abbas Araqçi dövlət televiziyasına verdiyi açıqlamada danışıqlarda “çox yaxşı irəliləyiş əldə edildiyini” bildirib.
Bölmənin digər xəbərləri
