Ağdaş və Mingəçevirin bəzi ərazilərində elektrik enerjisinin verilişi məhdudlaşdırılacaq
Bakı, 28 oktyabr, AZƏRTAC
Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə oktyabrın 28-də Ağdaş və Mingəçevir Elektrik şəbəkələrinin (EŞ) xidməti ərazilərində bir sıra 6 və 10 kV-luq hava xətlərində təmir işləri aparılacaq.
“Azərişıq” ASC-dən AZƏRTAC-a bildirilib ki, görüləcək işlərlə əlaqədar Ağdaş şəhər ərazisində 20 Yanvar, Cəfər Cabbarlı, İstiqlal, Molla Pənah Vaqif küçələri, 47-ci məhəllə, Su 18 yaşayış massivi, həmçinin rayonun Aşağı Ağcayazı, Dəhnəxəlil, Yuxarı Ağcayazı kəndləri və Türyançay qəsəbəsinin bir hissəsində saat 10:00-dan 15:00-dək elektrik enerjisinin verilişində məhdudiyyət tətbiq olunacaq.
Həmçinin Mingəçevirdə Heydər Əliyev prospekti, Aydın Məmmədov küçəsi və Şəfa bağları yaşayış massivinin bəzi ərazilərində saat 10:00-dan 15:00-dək enerjinin verilişində fasilə yaranacaq.
Təmir işləri yekunlaşdıqdan sonra həmin ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.
Bölmənin digər xəbərləri
