Ağstafada ənənəvi şənbə iməciliyi keçirilmişdir
Ağstafa, 12 oktyabr (AZƏRTAC). Oktyabrın 12-də Ağstafa rayonunda növbəti ümumrayon iməciliyi keçirilmişdir. AZƏRTAC xəbər verir ki, rayonun idarə, müəssisə və təşkilatlarının kollektivlərinin iştirak etdikləri iməcilikdə Ağstafa şəhərinin prospekt və küçələrində, park və xiyabanlarında səliqə-sahman işləri aparılmış, yaşıllıqlara qulluq göstərilmiş, ağacların dibi bellənmişdir.
Bundan əlavə, Bakı-Qazax avtomobil magistralının və dəmir yolunun rayon ərazisindən keçən hissələri boyunca təmizlik işləri aparılmışdır.
Qəsəbə və kəndlərdə keçirilən iməciliklərdə kəndarası yolların kənarı və suvarma arxları məişət tullantılarından təmizlənmişdir.
Bölmənin digər xəbərləri
