AĞSUDA GƏLƏN İLİN MƏHSULU ÜÇÜN 27,8 MİN HEKTARDA TAXIL ƏKİLMİŞDİR
Rayonun torpaq mülkiyyətçiləri gələn ilin yüksək məhsulu üçün möhkəm zəmin yaratmışlar. Rayon üzrə 27,8 min hektarda taxıl əkilmişdir ki, bu da ötən ildəkindən 2 min 149 hektar çoxdur. Səpində yerli şərait üçün daha əlverişli olan “Qiymətli”, “Bərəkətli”, habelə “Faktor”, “Kroşka” toxum sortlarından istifadə edilmişdir. Ağsuda 3 toxumçuluq təsərrüfatı fəaliyyət göstərir.
Payız əkini kampaniyasında bu il rayonda yaradılmış “Aqrotexservis” də fəal iştirak etmişdir. Bu quruma məxsus 20-dən çox yeni texnika istər şum, istərsə də səpin işlərində fermerlərə və fiziki şəxslərə yardım göstərmişdir.
Bölmənin digər xəbərləri
