AKTAUDA “XƏZƏR DƏNİZİNDƏ SUYUN SƏVİYYƏSİNİN DƏYİŞMƏSİ” MÖVZUSUNDA BEYNƏLXALQ KONFRANS KEÇİRİLMİŞDİR

23.05.2006 [14:55]
Çap et
A⁺ A^-

AZƏRTAC-ın xüsusi müxbiri xəbər verir ki, Aktauda “Xəzər dənizində suyun səviyyəsinin dəyişməsi” mövzusunda beynəlxalq konfrans başa çatmışdır. Tədbirdə Azərbaycan, Qazaxıstan, Rusiya, İran, Almaniya, İngiltərə və Kanadanın ixtioloq, bioloq və geoloq alimləri iştirak etmişlər. Onlar əvvəlcə Məngistay vilayətinin Xəzər sahili boyunca su basmış ərazilərində olmuşlar.

İkigünlük konfransda keçmişdə Xəzərdə müşahidə olunmuş belə hallar, o cümlədən 1991-1995-ci illərdə dənizdə suyun səviyyəsinin qalxması məsələləri xüsusi təhlil olunmuş, Xəzərin sahil xəttinin formalaşdırılması, Məngistay vilayətinin ekoloji problemləri və son illərdə dənizdə suyun səviyyəsinin dəyişməsi ilə əlaqədar fikir mübadiləsi aparılmışdır.

Layihənin müəllifi professor S.Krunenberq bildirmişdir ki, bu mövzuda konfranslar YUNESKO-nun müvafiq proqramı çərçivəsində keçirilir. 2003-cü ildə Həştərxanda, bir il sonra Bakıda və ötən il isə İranda keçirilən konfranslar Xəzərdə dəyişikliklər prosesini öyrənmək baxımından böyük əhəmiyyət kəsb etmişdir.

AKTAUDA “XƏZƏR DƏNİZİNDƏ SUYUN SƏVİYYƏSİNİN DƏYİŞMƏSİ” MÖVZUSUNDA BEYNƏLXALQ KONFRANS KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri