ALİMLƏR YENİ QVİNEYADA “UNUDULMUŞ DÜNYA” AŞKAR ETMİŞLƏR

08.02.2006 [16:53]
Çap et
A⁺ A^-

AZƏRTAC xarici KİV-lərə istinadla xəbər verir ki, ABŞ, İndoneziya və Avstraliyadan bir qrup tədqiqatçı Yeni Qvineya adasının uzaq dağ əyalətində əsil “unudulmuş dünya” - bundan əvvəl elmə məlum olmayan 20 növ qurbağa, dörd yeni növ kəpənək, azı beş müxtəlif növ palma aşkar etmişlər. Lakin tədqiqatçıları daha çox başında parlaq narıncı xal olan və balla qidalanan naməlum quş heyrətləndirmişdir. Bundan əlavə, onlar indiyədək nəslinin kəsildiyi hesab olunan qızılı rəngli ağac kenqurusu ilə də rastlaşmışlar.

Ekspedisiya iştirakçıları ümumi sahəsi 1 milyon hektar olan vadiyə vertolyotla enmişlər. Tədqiqatçılardan biri Brüs Bihler demişdir: “Burada sivilizasiyanın, insan cəmiyyətinin varlığını göstərən heç bir izə, heç bir əlamətə rast gəlmədik”. Onun fikrincə, gördükləri həmin yeri “cənnət bağı” adlandırmağa hər cür əsas verir. Burada aşkar edilmiş heyvan və bitkilərə gəldikdə isə, onlar yaxın vaxtlarda müvafiq instansiyalardan keçdikdən sonra mövcud növlər təsnifatına daxil ediləcəkdir.

ALİMLƏR YENİ QVİNEYADA “UNUDULMUŞ DÜNYA” AŞKAR ETMİŞLƏR

MÜƏLLİFLƏ ƏLAQƏ

Bölmənin digər xəbərləri