ALMANİYANIN DÖVLƏT MƏKTƏBLƏRİNDƏ İSLAM DƏRSLƏRİ KEÇİLƏCƏK
Layihənin həyata keçirilməsinə başlamazdan əvvəl azı 235 uşaq bu dərslərə yazılmışdı. Tədris proqramını Maarif Nazirliyinin mütəxəssisləri müsəlman icmasının nümayəndələri ilə birlikdə hazırlayırlar.
Almaniyanın müsəlman icmasının təxminən 3,5 milyon üzvü var. Onların əksəriyyəti təzə həmşəhərlilərindən təcrid olunmuş vəziyyətdə yaşayır. Maarif Nazirliyinin nümayəndəsi bildirmişdir ki, müsəlman oğlan və qızlar anlamalıdırlar ki, din onları cəmiyyətdən uzaqlaşdırmamalı, əksinə, ona inteqrasiya olmağa kömək etməlidir.
Almaniya məktəblərində din dərsləri icbari keçirilir. Lakin təhsil müəssisələrinin əksəriyyətində şagirdlər xristian və yəhudi dinləri arasında seçim edirlər. Digər dinlərə mənsub uşaqlar etika dərslərinə gedə bilərlər. Ölkənin bütün məktəblərində İslam dərsləri keçilməsini Almaniya Yəhudilərinin Mərkəzi Şurası təklif etmişdir.
Bölmənin digər xəbərləri
