Almaniyanın “Yaşıllar” partiyası kansler postuna öz namizədini irəli sürüb
Berlin, 19 aprel, AZƏRTAC
Almaniyanın “Yaşıllar” partiyası ölkənin federal kansleri postuna öz namizədini irəli sürüb.
AZƏRTAC xəbər verir ki, bu hadisə həmin siyasi qüvvənin tarixində ilk dəfədir baş verib. Bu gün məlum olub ki, “Yaşıllar” kansler postuna federal seçkilərdə Annalena Bayerbokun namizədliyini irəli sürməyə hazırlaşırlar. Düzdür, bu barədə son qərar yalnız partiyanın iyunda təşkil olunacaq qurultayında qəbul ediləcək, lakin artıq indidən aydındır ki, bu namizədin bəyənilməsi əngəlsiz həyata keçəcək.
Annalena Bayerbok həmsədr Robert Xabek ilə birlikdə 2018-ci ildən partiyaya rəhbərlik edir. Almanların təqribən 20 faizi sentyabr seçkilərində “Yaşıllar”ı dəstəkləyəcəklərini bəyan ediblər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
