ALMATIDA MƏRKƏZİ ASİYA ÖLKƏLƏRİNİN TEATR FESTİVALI ÖZ İŞİNƏ BAŞLAMIŞDIR
Teatr bayramında Azərbaycan, Qazaxıstan, Özbəkistan, Türkmənistan, Qırğızıstan, Tacikistan və Rusiyanın Tatarıstan Respublikasından gəlmiş teatr kollektivləri iştirak edirlər. Ölkəmizi bu festivalda Dövlət “Yuğ” teatrı təmsil edir.
Teatr bayramı M.Auezov adına Qazax Dövlət Akademik Dram Teatrında və Q.Musrepov adına uşaq və gənclər teatrında keçirilir.
Festivalın keçirilməsindən məqsəd birgə mədəni məkanı formalaşdırmaq, Mərkəzi Asiya ölkələrində teatr sənətinin uğurları ilə tanış olmaq, bu sahədə təcrübə mübadiləsi aparmaq, həmçinin birgə layihələr hazırlamaq və həyata keçirməkdir.
Festivalda əsərlər milli dillərdə göstərilir, rus dilinə tərcümə edilir.
Bölmənin digər xəbərləri
