ANTON BUTEYKO: MDB ÖHDƏSİNƏ DÜŞƏN VƏZİFƏLƏRİ YERİNƏ YETİRMİR

19.05.2006 [21:41]
Çap et
A⁺ A^-

AZƏRTAC-ın Ukrinformdan aldığı xəbərə görə, Ukrayna xarici işlər nazirinin birinci müavini Anton Buteyko Odessada olarkən bildirmişdir ki, Müstəqil Dövlətlər Birliyi öhdəsinə düşən vəzifələri yerinə yetirmir. O demişdir: “Mən MDB-nin və Belovejsk sazişinin necə yarandığını yaxşı xatırlayıram. MDB keçmiş Sovet İttifaqı ölkələrinin sivil yolla ayrılması strukturu kimi düşünülmüşdü. Lakin prinsipial olan digər vəzifə - yeni dövlətlərlə münasibətləri böyük və kiçik qardaş prinsipləri üzərində deyil, beynəlxalq hüquq prinsipləri üzərində qurmağı öyrənmək vəzifəsi də vardı”.

Buteyko demişdir ki, MDB çərçivəsində keçmiş SSRİ-nin borc və aktivlərinin bölünməsi məsələsi həll olunmamış, azad ticarət zonası tam fəaliyyətə başlamamış, Dağlıq Qarabağda, Dnestryanı bölgədə, Abxaziya və Osetiyada münaqişələr həll edilməmişdir. Nazir müavini demişdir: “Onda təbii olaraq sual ortaya çıxır: təxminən milyon dollar üzvlük haqqını nəyə görə ödəyirik?”

Artıq xəbər verildiyi kimi, Ukrayna MDB-ni səmərəsiz qurum sayır və özünün burada iştirakının məqsədəuyğun olub-olmadığı məsələsini öyrənir. Prezident Viktor Yuşşenkonun fikrincə, MDB-ni tərk etmək itkilərə gətirib çıxarmayacaqdır.

Ukrayna xarici işlər nazirinin birinci müavini Vladimir Oqrızko isə mayın 4-də Moskvada bildirmişdi ki, rəsmi Kiyevin fikrincə, MDB cəlbediciliyini getdikcə daha çox itirir.

ANTON BUTEYKO: MDB ÖHDƏSİNƏ DÜŞƏN VƏZİFƏLƏRİ YERİNƏ YETİRMİR

MÜƏLLİFLƏ ƏLAQƏ

Bölmənin digər xəbərləri