Antonio Tayani: Avropa İttifaqında güclü lider çatışmır
Bakı, 8 dekabr, AZƏRTAC
Avropa İttifaqında güclü lider çatışmır və Brüssel hazırda digər iri oyunçularla bərabər səviyyədə dura bilməz.
AZƏRTAC xəbər verir ki, İtaliyanın xarici işlər naziri və Baş nazirin müavini Antonio Tayani bu barədə “Corriere della Sera” qəzetinə müsahibəsində deyib. “Bizim bacarıqlı milli liderlərimiz olsa da, Alçide De Qasperi (İtaliyanın 1945-ci ildən 1953-cü ilə qədər Baş naziri), Helmut Kol (Almaniyanın sabiq kansleri) və ya Fransua Mitteran (Fransanın keçmiş Prezidenti) kimi şəxsiyyətlərimiz yoxdur”, - deyə Antonio Tayani bildirib.
Onun sözlərinə görə, Avropa İttifaqında bürokratik deyil, daha çox siyasi birlik olmalıdır. İtaliyanın xarici işlər naziri, həmçinin Avropa Komissiyası və Avropa Şurası rəhbərlərinin rollarının birləşdirilməsini və həmin vəzifəyə namizədin vətəndaşlar tərəfindən seçilməsini təklif edib.
Bölmənin digər xəbərləri
