Araz Ağalarov türkiyəli biznesmenlərə “Crocus Expo”da güzəştli şərtlərlə sərgilər təşkil olunmasını təklif edib
Moskva, 14 iyun, AZƏRTAC
Azərbaycan mənşəli rusiyalı sahibkar, “Crocus Group” şirkətlər qrupunun prezidenti və sahibi Araz Ağalarov türkiyəli biznesmenlərə “Crocus Expo”da güzəştli şərtlərlə sərgilər təşkil olunmasını təklif edib.
AZƏRTAC xəbər verir ki, biznesmen bu barədə Türkiyənin “Medya Günlüğü” saytına müsahibəsində məlumat verib. Rusiya ilə Türkiyə arasında əlaqələri inkişaf etdirməyin vacibliyini vurğulayan A.Ağalarov qeyd edib ki, tikinti, kənd təsərrüfatı, ticarətin təşkili sahəsində türkiyəli mütəxəssislərə Rusiyada ehtiyac ola bilər. O, dünyada ən iri sərgi mərkəzlərindən birində - “Crocus Sity” kompleksinə daxil olan “Crocus Expo”da güzəştli şərtlərlə Türkiyənin milli və tematik sərgilərinin, həmçinin informasiya xarakterli tədbirlərin təşkil olunmasını təklif edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
