“Araz-Naxçıvan” braziliyalı futzalçı ilə yollarını ayırıb
Bakı, 26 dekabr, AZƏRTAC
Qış fasiləsinə lider yollanan “Araz-Naxçıvan” klubu futzalçısı Erik Danni ilə yollarını ayırıb.
AZƏRTAC Azərbaycan Futzal Federasiyasının (AFF) rəsmi saytına istinadən xəbər verir ki, “qırmızı-ağlar” müqaviləsi başa çatan braziliyalı hücumçu ilə anlaşa bilməyib. Bu səbəbdən tərəflər əməkdaşlığa son qoymaq qərarına gəliblər.
Qeyd edək ki, bu ilin yayında komandaya qoşulan E. Danni “Araz-Naxçıvan”ın heyətində Yüksək Liqada 8, UEFA Çempionlar Liqasının ilkin mərhələsində isə 2 qol vurub.
Bölmənin digər xəbərləri
