ASTARADAN BU İL ALİ MƏKTƏBLƏRƏ DAXİL OLMUŞ TƏLƏBƏLƏRLƏ GÖRÜŞ KEÇİRİLMİŞDİR
Bildirilmişdir ki, bu il rayonun orta ümumtəhsil məktəblərini bitirən gənclərin 446 nəfəri qəbul imtahanlarında iştirak etmiş və 185 nəfər yüksək bal toplayaraq tələbə adını qazanmışdır. Məzunlardan 2 nəfər 600-dən, 8 nəfər isə 500-dən yuxarı bal toplamışdır. Rayonda ən yüksək nəticəni Pensər 2 nömrəli orta məktəbinin məzunları göstərmişlər. Bu təhsil ocağından 16 nəfər ali məktəblərə daxil olmuşdur.
Tədbirdə respublikamızın ali məktəblərinə qəbul imtahanları zamanı yüksək bal toplayan gənclərə rayon icra hakimiyyətinin və təhsil şöbəsinin fəxri fərmanları, pul mükafatları təqdim edilmişdir.
Bölmənin digər xəbərləri
