ATABANK ÜÇİLLİK PLASTİK KARTLARI BAZARA BURAXMIŞDIR
AZƏRTAC xəbər verir ki, AtaBank yeni və daha sərfəli şərtləri olan plastik kartları müştərilərə təqdim etmişdir. Artıq AtaBank plastik kartları 2 və 3 il müddətinə emissiya etmək imkanına malikdir. İndən belə, müştəri hər il kartı təzələməyəcək və əhəmiyyətli güzəşt əldə edəcəkdir. O hər il öz plastik kartının istifadə müddətinə nəzarət etmək məcburiyyətində qalmır, üçillik kart adi kartdan təqribən 30 faiz ucuz başa gəlir, müştərinin istəyi ilə kartın istifadə müddətində hesabdan aylıq çıxarışlar göndərilir, həmin müddətdə eyni PİN-kod istifadə olunur.
Kartları bankın istənilən filial və ya şöbəsindən almaq olar.
Hazırda AtaBankın buraxdığı plastik kartların sayı 14 mini keçmişdir.
Bölmənin digər xəbərləri
