ATƏT-İN VYANADA KEÇİRİLƏCƏK BEYNƏLXALQ KONFRANSINDA İQTİSADİYYATIN QLOBALLAŞMASI PROBLEMLƏRİ MÜZAKİRƏ OLUNACAQDIR
AZƏRTAC informasiya agentliklərinə istinadən bildirir ki, Avropada Təhlükəsizlik və Əməkdaşlıq Təşkilatının (ATƏT) iyulun 3-də Vyananın Xofburq sarayında keçirilən beynəlxalq konfransında iqtisadiyyatın qloballaşması ilə bağlı problemlər müzakirə olunur. Konfransda ATƏT-in üzvü olan 55 ölkənin 200-dən çox nümayəndəsi iki gün ərzində dünya iqtisadiyyatında qloballaşmanın rolu, ifrat qloballaşma nəticəsində yaranan mənfi, o cümlədən ekoloji amilləri müzakirə etmək niyyətindədirlər. Qloballaşma və əsrimizin bu təzahürünə qarşı yönəldilmiş hərəkatlar mövzusu ətrafında bir çox beynəlxalq ekspertlər çıxış edəcəklər. Sonra konfransın yekunlarına dair qətnamə qəbul olunacaqdır.
Bölmənin digər xəbərləri
