ATİ həmkarlar ittifaqı komitəsinin illik hesabat–seçki yığıncağı keçirilmişdir
Bakı, 30 yanvar (AZƏRTAC). Azərbaycan Turizm İnstitutu (ATİ) həmkarlar ittifaqı komitəsinin illik hesabat-seçki yığıncağı keçirilmişdir.
ATİ-dən AZƏRTAC-a bildirmişlər ki, yığıncaqda institutun turizm işinin təşkili və idarəedilməsi fakültəsinin dekanı Nəsir Nəsirli komitənin gördüyü işlərdən danışmışdır.
ATİ həmkarlar ittifaqı komitəsinin sədri Nərminə Abdullayeva hesabat məruzəsi ilə çıxış edərək əlamətdar günlərdə qurumun təşkilatçı funksiyası barədə məlumat vermişdir.
Sonra açıq səsvermə ilə ATİ həmkarlar ittifaqı komitəsinin illik fəaliyyəti qənaətbəxş hesab olunmuşdur. Gizli səsvermə ilə təftiş komissiyasının və idarə heyətinin yeni üzvləri, həmçinin ATİ həmkarlar ittifaqı komitəsinin sədri seçilmişdir.
Nərminə Abdullayeva yenidən böyük səsçoxluğu ilə komitənin sədri seçilmişdir.
Bölmənin digər xəbərləri
