ATOM ELEKTRİK STANSİYASİ FƏALİYYƏTİNİ DAYANDIRMIŞDIR
AZƏRTAC xarici KİV-lərə istinadən xəbər verir ki, turbinlərə nəzarət sistemi nasosunun sıradan çıxması nəticəsində Braziliyanın Rio-de-Janeyro ştatındakı “Anqra-2” atom elektrik stansiyası (AES) fəaliyyətini dayandırmışdır.
Ölkənin AES-lərinə xidmət göstərən “Elektronuklear” dövlət şirkətinin yaydığı məlumata görə, sıradan çıxmış sistemin radioaktiv proseslə əlaqəsi olmadığından hadisə təhlükəli deyildir.
Hazırda qurğuda təmir işləri aparılır. Lakin 1,3 min meqavat gücündə olan “Anqra-2” AES-in işinin nə vaxt bərpa olunacağı məlum deyildir.
Bölmənin digər xəbərləri
