AVROPA BİRLİYİ İRAQA TƏCİLİ HUMANİTAR YARDIM AYIRMIŞDIR
AZƏRTAC-ın xüsusi müxbiri Berlindən xəbər verir ki, Avropa Birliyi Komissiyası İraqa 9,5 milyon avro məbləğində təcili humanitar yardım göstərmək qərarına gəlmişdir. Bu məbləğin 5 milyonu Beynəlxalq Qırmızı Xaç Cəmiyyətinin İraqda ərzaq, tibbi avadanlıq ilə təminat proqramına, 2 milyonu BMT-nin Uşaqlara Yardım Fondunun humanitar fəaliyyətinə dəstək olaraq ayrılmışdır. Qalan 1,5 milyon avro isə müharibədən sonrakı İraqın müxtəlif şəhərlərində dağılmış elektrik enerjisi və su təchizatı obyektlərinin bərpası işinə qoşulacaq digər humanitar təşkilatların payına düşür. 9,5 milyon avro məbləğində ilk təcili yardım Avropa Birliyi Komissiyasının martın sonunda İraqın bərpası üçün ayırdığı 21 milyon avro vəsaitin bir hissəsidir.
Yusif Xəlilov
AZƏRTAC-ın xüsusi müxbiri
Berlin
Bölmənin digər xəbərləri
