Avropa çempionatı: Bu gün Azərbaycan basketbol millisi ikinci oyununa çıxacaq
Bakı, 13 iyul, AZƏRTAC
Bu gün Azərbaycanın 20 yaşadək oğlanlardan ibarət basketbol millisi Avropa çempionatında növbəti oyununu keçirəcək.
AZƏRTAC xəbər verir ki, B divizionunun B qrupunda mübarizə aparan yığma ikinci matçında Böyük Britaniya ilə üz-üzə gələcək. Görüş Bakı vaxtı ilə saat 16:30-da baş tutacaq.
Milli komanda ötən gün qrupun ilk görüşündə Portuqaliya seçməsinə 34:90 hesabı ilə məğlub olub.
Alberto Blankonun rəhbərlik etdiyi komandanın növbəti görüşləri iyulun 14-də İrlandiyaya və iyulun 17-də Niderlanda qarşı olacaq.
Qeyd edək ki, Rumıniyanın Piteşti şəhərində təşkil olunacaq Avropa çempionatı iyulun 21-dək davam edəcək.
Bölmənin digər xəbərləri
