Avropa çempionatı: Bu gün iki boksçumuz mübarizə aparacaq
Bakı, 15 mart, AZƏRTAC
Xorvatiyanın Poreç şəhərində 22 yaşadək boksçular arasında Avropa çempionatı davam edir.
AZƏRTAC xəbər verir ki, yarışın üçüncü günündə - martın 15-də millimizin iki üzvü mübarizəyə qoşulacaq. Onaltıdabir finalda gürcüstanlı rəqibi Luka Nikabadzeni məğlubiyyətə uğradan Azərbaycan çempionu Nəbi İsgəndərov səkkizdəbir finalda ilk görüşdən azad olan Alen Ahmetoviçlə (Xorvatiya) üz-üzə gələcək. Digər boksçumuz Murad Allahverdiyev (80 kq) isə ilk qarşılaşmasını səkkizdəbir finalda Kromvell Kommi (İtaliya) ilə keçirəcək.
Qeyd edək ki, Azərbaycan komandası qitə çempionatında yeddi boksçu ilə təmsil olunur.
Yarış martın 23-dək davam edəcək.
Bölmənin digər xəbərləri
