AVROPA YENİDƏNQURMA VƏ İNKİŞAF BANKI AZƏRBAYCANA 13,5 MİLYON DOLLAR KREDİT AYIRMIŞDIR
AZƏRTAC xəbər verir ki, Avropa Yenidənqurma və İnkişaf Bankının (AYİB) maliyyə təsisatları kiçik və orta sahibkarlığın inkişafı məqsədi ilə Azərbaycana maliyyə dəstəyini artırmışlar. Bununla bağlı, Londonda AYİB-in maliyyə təsisatları biznes qrupunun direktoru Kurt Heygerlə Azərbaycanın dörd bankı - “AzərDəmiryolBank”, “Bank of Baku”, “Bank Respublika” və “Unibank” arasında kredit anlaşması imzalanmışdır.
Anlaşmaya görə, AYİB tərəfindən banklara ayrılan 13,5 milyon ABŞ dolları məbləğində kredit ölkədə kiçik və orta sahibkarlığın və mikromüəssisələrin inkişafına yönəldiləcəkdir.
Yuxarıda adı çəkilən dörd bank və “Azəriqazbank” 2002-2005-ci illərdə AYİB-dən 18,85 milyon dollar məbləğində kredit almışlar.
Bölmənin digər xəbərləri
