AVROPADA QİÇS GETDİKCƏ GENİŞ YAYILIR

19.11.2005 [11:40]
Çap et
A⁺ A^-

AZƏRTAC-ın xüsusi müxbiri xəbər verir ki, Avropa Parlamentinin Ətraf mühit, səhiyyə və sağlamlıq komissiyası Avropada QİÇS - immun çatışmazlığı xəstəliyinə yoluxanların sayının təhlükəli şəkildə artdığını bəyan etmişdir. Almaniya KİV-lərində dərc olunan məlumatda bildirilir ki,Avropa İttifaqı məkanında QİÇS-ə qarşı elliklə ciddi mübarizə aparılmasına və müəyyən nailiyyət əldə olunmasına baxmayaraq, bu təhlükəli xəstəlik yenə də sürətlə yayılmaqdadır.

Tibb ekspertlərinin statistik hesablamalarına görə, hazırda Avropada QİÇS viruslarına yoluxmuş iki milyondan artıq ağır xəstə qeydə alınmışdır. Xəstəliyə yoluxanların böyük əksəriyyəti Şərqi Avropa ölkələrinin, xüsusilə Rusiyanın payına düşür. İndi Rusiyada QİÇS-ə yoluxmuş 1,5 milyonadək adam nəzarət altında saxlanılır.

Almaniya Federal Səhiyyə İdarəsi isə bildirir ki, Almaniyada da QİÇS-ə yoluxanların sayı dramatik şəkildə artmaqda davam edir. 2005-ci ildə bu təhlükəli xəstəliyə yoluxanların sayının 20 faiz artması qeydə alınmışdır.

AVROPADA QİÇS GETDİKCƏ GENİŞ YAYILIR

MÜƏLLİFLƏ ƏLAQƏ

Bölmənin digər xəbərləri