AXALKALAKİDƏ BAŞ VERƏN HADİSƏLƏR GÜRCÜSTAN İQTİDARINI NARAHAT EDİR
Ermənilər martın 9-da Zalqada bir ermənini qətlə yetirən gürcülərin cəzalandırılmasını, Samtsxe-Cavaxeti bölgəsində demoqrafiq vəziyyətin gürcülərin xeyrinə dəyişdirilməsinə, erməni kadrların gürcü dilini bilməməsi bəhanəsi ilə vəzifələrdən kənarlaşdırılmasına son qoyulmasını tələb edirlər.
Gürcüstan parlamentinin sədri Nino Burcanadze Axalkalaki hadisələri ilə bağlı demişdir: “Bu ağrılı məsələyə cavab verilməli, müqəssirlər cəzalandırılmalıdır. Açıq-aşkar görünür ki, gürcülərlə qeyri-gürcülər arasında qarşıdurma yaratmağa cəhd göstərən qüvvələr var. Hər hansı anlaşılmazlıq iqtidar tərəfindən araşdırılacaqdır. Bölgədə qeyri-sabitlik ocağı yaradılmasına yol verməmək üçün fitnəkarlıqların qarşısı qətiyyətlə alınmalıdır”.
Xatırladaq ki, Axalkalaki aksiyasının iştirakçıları zorla Tbilisi Dövlət Universiteti Mesxeti filialının və rayon məhkəməsinin binalarına girmişlər. Gürcüstan parlamentinin milliyyətcə erməni olan deputatı Van Bayburt ölkə erməniləri adından aksiya iştirakçılarının zorakılıq faktlarına görə üzr istəmişdir.
Bölmənin digər xəbərləri
