Azərbaycan-Argentina əməkdaşlığının inkişafı məsələləri müzakirə edilmişdir
Bakı, 31 oktyabr (AZƏRTAC). Azərbaycanın xarici işlər naziri Elmar Məmmədyarov III Bakı Beynəlxalq Humanitar Forumunda iştirak etmək üçün ölkəmizdə səfərdə olan Argentina Milli Assambleyasının üzvləri Roberto Mouilleron və Julia Argentina Perie ilə görüşmüşdür.
Xarici İşlər Nazirliyinin mətbuat xidmətindən AZƏRTAC-a verilən məlumata görə, argentinalı qonaqlar Forumun yüksək səviyyədə təşkilinə görə minnətdarlıqlarını bildirmişlər.
Görüşdə Azərbaycan ilə Argentina arasında ikitərəfli siyasi və parlamentlərarası əlaqələrin, beynəlxalq təşkilatlar çərçivəsində əməkdaşlığın inkişafından məmnunluq ifadə olunmuşdur.
Tərəflər iqtisadiyyat, xüsusilə kənd təsərrüfatı, mədəniyyət və turizm sahələrində əməkdaşlığın inkişaf etdirilməsi istiqamətində fikir mübadiləsi aparmışlar.
Bölmənin digər xəbərləri
