Azərbaycan Cənubi Afrika Respublikasında keçirilən “Diplomatik yarmarka”da təmsil olunub
Azərbaycan Respublikasının Cənubi Afrika Respublikasındakı (CAR) səfirliyi Pretoriya şəhərində keçirilən “Diplomatik yarmarka”da iştirak edib.
Səfirlikdən AZƏRTAC-a verilən məlumata görə hər il təşkil edilən ənənəvi yarmarkada CAR-da akkreditə olunmuş diplomatik korpusun nümayəndələrinə öz ölkələrinin tarix və mədəniyyətini təqdim etmək imkanı yaradılır. Səfirliyimiz də öz növbəsində “CAR-da Azərbaycan dostları” qeyri-hökumət təşkilatının dəstəyi ilə ölkəmizin tarixini və mədəniyyətimizi əks etdirən fotoşəkillər, xalçalar, kitablar və digər əşyaları nümayiş etdirir.
Budəfəki sərgidə ziyarətçilərə Azərbaycan haqda broşür və bukletlər təqdim olunub, Heydər Əliyev Fondunun Ermənistan-Azərbaycan, Dağlıq Qarabağ münaqişəsinə və ölkəmizlə bağlı digər mövzulara həsr edilmiş çap materialı paylanılıb.
Tədbirdə səfirliyin təşəbbüsü ilə yaradılmış milli rəqs qrupu ziyarətçilərə Azərbaycan rəqslərini təqdim edib.
Sərgiyə gün ərzində minlərlə tamaşaçı baxıb.
Bölmənin digər xəbərləri
