Azərbaycan dünyanın ən sərfəli səyahət istiqamətlərindən biri hesab olunur
Riqa, 25 oktyabr, AZƏRTAC
“Lonely Planet” jurnalının illik reytinqi dərc olunub.
AZƏRTAC xəbər verir ki, “Best in travel” adlı reytinq cədvəlində müxtəlif kateqoriyalar üzrə dünyanın ən yaxşı səyahət istiqamətlərinin adları açıqlanıb. Azərbaycan turizm üçün dünyanın ən sərfəli ölkələri siyahısında yer alıb. Ölkəmizlə yanaşı bu siyahıda İndoneziya, Hindistanın, ABŞ-ın Buffalo şəhəri, Serbiya, Tunis, Yunanıstan və Zənzibarın da (Tanzaniya) adı var.
Digər kateqoriyalar üzrə dünyanın hazırda turizm üzrə ən çox inkişaf edən ölkəsi olaraq Butan Krallığı, şəhər olaraq isə Avstriyanın Zalsburqu göstərilib.
Ümumiyyətlə reytinq cədvəli 3 faktor: aktuallıq, ilkin təəssürat və sonrakı nəticə üzrə hazırlanıb.
Regionlar üzrə bölgüdə də İpək Yolu ölkələrinə üstünlük verilib. Bu sırada da Azərbaycan, Qırğızıstan, Özbəkistan və Tacikistanla birlikdə yer alır. Bu ölkələr sirli Şərq aləmi kimi turistlərin maraq dairəsindədir.
Aygün Əliyeva
AZƏRTAC-ın xüsusi müxbiri
Riqa
Bölmənin digər xəbərləri
