AZƏRBAYCAN ƏRAZİ BÜTÖVLÜYÜ MƏSƏLƏSİ İLƏ BAĞLI HƏR HANSI GÜZƏŞTƏ GETMƏYƏCƏKDİR
AZƏRTAC xəbər verir ki, bu barədə Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə ABŞ-ın “Christian Science Monitor” qəzetinin müxbirinin sualına cavabında bildirmişdir. O demişdir ki, Ermənistanın mövqeyi onların arzuları, gözləntiləri və xəyallarına, “Baş vermiş fakt” prinsipinə əsaslanır. Belə hesab edirlər ki, yalnız xarici dəstək sayəsində hərbi əməliyyatlarda əldə etdikləri müvəqqəti üstünlük onlara Dağlıq Qarabağ ərazisini Azərbaycandan ayırmaq və Ermənistana birləşdirmək barədə düşünmək hüququ verir. Bu, baş tutmayacaqdır. Ona görə də Ermənistan rəhbərliyi aydın başa düşməlidir ki, Azərbaycan ərazi bütövlüyü məsələsi ilə bağlı hər hansı güzəştə getməyəcəkdir.
Azərbaycanın Dağlıq Qarabağdakı ermənilərə və bu əraziyə qayıdacaq azərbaycanlılara dünyada mövcud olan yüksək səviyyəli muxtariyyət statusu verməyə hazırdır deyən Prezident vurğulamışdır ki, danışıqlar uğursuzluğa məruz qalacağı təqdirdə, nəyin baş verəcəyini əvvəlcədən demək çətindir. Hər halda, əgər danışıqların bu raundu bir nəticə verməsə, onda Azərbaycan mütləq öz strategiyası, taktikası və davranışını yenidən nəzərdən keçirəcəkdir.
Bölmənin digər xəbərləri
