AZƏRBAYCAN GÜLƏŞÇİSİ AVROPA BİRİNCİLİYİNİN FİNALINA ÇIXMIŞDIR
Bakı, 3 iyul (AZƏRTAC). Azərbaycanın yunan-Roma güləşçisi Həsən Əliyev (60 kq) Tbilisidə yeniyetmələr arasında keçirilən Avropa birinciliyinin finalına yüksəlmişdir. Həsən Əliyev ardıcıl olaraq, Mixael Novak (Çexiya), Razvan Motoi (Rumıniya), Rizvan Bilici (Türkiyə) üzərində qalib gəlmişdir. Qızıl medal uğrunda güləşçimizin rəqibi Arçil Turmanizdze (Gürcüstan) olacaqdır.
Azərbaycan yığma komandasının daha 3 üzvü medal qazanmaq şanslarını saxlayır. Belə ki, Xurşud Babaşov (50 kq) və Elməddin Abdullayev (74 kq) mübarizəni təsəlliverici görüşlərdə davam etdirəcəklər.
Bölmənin digər xəbərləri
