AZƏRBAYCAN İDMANÇISI AVROPA ÇEMPİONU OLMUŞDUR
Bakı, 3 iyul (AZƏRTAC). Azərbaycanın yunan-Roma güləşçisi Orxan Əhmədov (55 kq) Tbilisidə keçirilən yeniyetmələrin Avropa birinciliyinin qalibi olmuşdur.
Azərbaycanlı pəhləvan ardıcıl olaraq, finlandiyalı Niko Okuxaynen, Belarus təmsilçisi Andrey Xalyavitski, gürcüstanlı Kamal Xarabadze və rusiyalı Muradiz Aratşanov üzərində qələbə qazanaraq Avropa çempionatının qızıl medalına sahib çıxmışdır. Yığma komandamızın digər üzvü, 84 kiloqram çəki dərəcəsində yarışan Murtaza Tağıyev (84 kq) isə yalnız finalda Almaniya güləşçisi Ramzin Azisirə məğlub olaraq gümüş medalla kifayətlənmişdir.
Bölmənin digər xəbərləri
