AZƏRBAYCAN İLƏ İRAQ ARASINDA ƏLAQƏLƏR GENİŞLƏNİR
Z.Əsgərov bildirmişdir ki, hələ sovet dövründə Azərbaycan ilə İraq arasında bütün sahələrdə, xüsusilə humanitar sahədə yaxşı münasibətlər olmuşdur. Rəsmi Bakı münasibətlərimizin bu gün də genişlənməsində, xüsusilə də parlamentlərarası əlaqələrin inkişafında maraqlıdır. Milli Məclisdə İraq parlamenti ilə dostluq qrupu vardır və istərdik ki, qarşı tərəfdə də belə bir qrup yaradılsın, qarşılıqlı səfərlərin sayı artırılsın.
Casim Məhəmməd Cəfər Azərbaycanda keçirdiyi faydalı görüşlərdən razılığını ifadə etmişdir. Hər iki xalqın mədəniyyətinin eyni kökdən qaynaqlandığını vurğulayan qonaq qeyd etmişdir ki, İraqda Azərbaycan xalqına xüsusi rəğbət bəslənilir. Nazir bu səfərin bütün sahələrdə, o cümlədən gənclər və idman sahəsində əməkdaşlığa töhfə verəcəyinə inamını ifadə etmişdir.
Parlamentlərarası münasibətlərin inkişafından danışan nümayəndə heyətinin üzvü, İraq Milli Məclisinin deputatı Əkrəm Fauzin demişdir ki, artıq İraq parlamentində də Azərbaycan ilə dostluq qrupu yaradılmışdır.
Görüşdə qarşılıqlı maraq doğuran məsələlər ətrafında fikir mübadiləsi aparılmışdır.
Bölmənin digər xəbərləri
