Azərbaycan İspaniyada keçiriləcək beynəlxalq forum və sərgidə təmsil olunacaqdır
Bakı, 16 yanvar (AZƏRTAC). Azərbaycan Turizm İnstitutunun (ATİ) rektoru Cəfər Cəfərov yanvarın 17-dən 22-dək İspaniyanın paytaxtı Madrid şəhərində keçiriləcək Turizm Xidmətlərinin Forumu və FİTUR Beynəlxalq turizm sərgisində iştirak edəcəkdir.
ATİ-dən AZƏRTAC-a bildirmişlər ki, “Turizm iqtisadi inkişaf və məşğuliyyətin aparıcı qüvvəsi kimi: rəqabət qabiliyyətinin aparılması siyasəti” mövzusunda keçiriləcək forumun işində dünyanın nüfuzlu təşkilatlarının təmsilçiləri iştirak edəcəklər.
Səfər çərçivəsində Azərbaycan nümayəndə heyətinin Dünya Turizm Təşkilatının nümayəndələri, İspaniyanın aparıcı turizm müəssisələrinin və Turizmin Keyfiyyəti İnstitutunun rəhbərliyi ilə görüşləri nəzərdə tutulur.
Bölmənin digər xəbərləri
