AZƏRBAYCAN-İSRAİL ƏLAQƏLƏRİNƏ DAİR GÖRÜŞ KEÇİRİLMİŞDİR

14.05.2006 [03:57]
Çap et
A⁺ A^-

AZƏRTAC xəbər verir ki, Azərbaycan Dillər Universitetində “Beynəlxalq münasibətlərdə İsrailin rolu, İsrail-Azərbaycan münasibətləri” mövzusunda tədbir keçirilmişdir.

Universitetin prorektoru Jalə Qəribova mövzunun əhəmiyyətini vurğulamışdır.

İsrailin ölkəmizdəki səfiri Artur Lenk çıxış edərək, İsrail -Azərbaycan əlaqələrinin tarixi köklərindən danışmış, son illər xalqlarımız arasında dostluq münasibətlərinin daha da möhkəmləndiyini vurğulamışdır. Natiq İsrail dövlətinin yaranmasından, Yaxın Şərq münaqişəsinin nizamlanması istiqamətində beynəlxalq təşkilatların səylərindən danışmışdır.

Ermənistan-Azərbaycan, Dağlıq Qarabağ münaqişəsinə toxunan səfir, İsrailin respublikamızın ərazi bütövlüyünü tanıdığını və münaqişənin sülh yolu ilə həllini dəstəklədiyini diqqətə çarpdırmışdır.

Səfir elm və təhsil əlaqələrimizin də genişləndiyini söyləmiş, tələbələri maraqlandıran suallara cavab vermişdir.