AZƏRBAYCAN MƏDƏNİYYƏTİ SƏRHƏD TANIMIR
İngilisdilli “Britanika” məktəbində müəllim və şagirdlər 9-cu sinif şagirdi Günel Zeynalovanın hazırladığı ekspozisiyanın maraqlı materialları ilə tanış olmuş, Azərbaycan milli mətbəxinin ləzzətli təamlarından dadmışlar.
Azərbaycanlı uşaqların da təhsil aldıqları Rusiyanın Macarıstandakı səfirliyi yanında orta məktəbdə Azərbaycan xalq rəqsini böyük məharətlə ifa etmiş Lalə və Afaq Bədəlbəyli bacılarının çıxışı böyük maraqla qarşılanmışdır. Tamaşaçılar qızların parlaq, gözoxşayan milli geyimlərini qeyri-adi artistlik qabiliyyətini və məharətini, onların ifasında Səməd Vurğunun “Azərbaycan” şeirini və məşhur uşaq nəğməsi “Cücələrim”i sürəkli alqışlarla qarşılamışlar.
Şənliyə Macarıstandakı diplomatik korpusun təmsilçiləri, təhsil müəssisələrinin nümayəndələri və başqaları dəvət edilmişdilər. Müxtəlif xalqların mədəniyyətindən söhbət açan stendlərdə Azərbaycanın zəngin adət-ənənələri, sənəti barədə geniş informasiya verən guşə də vardı.
Bölmənin digər xəbərləri
